Aftur til baka

.

Í gær var slegið nýtt met í fjarvist frá Barnaspítalanum. Eftir útskriftina í gær liðu aðeins 8 klst. þar til Orri var lagður inn aftur. Í gærkveldi fór hann að stynja og anda hraðar. Það þýðir venjulega að hann sé kominn með hita og reyndist það rétt. 38,3 sagði gamli kvikasilfurmælirinn.  Hitamörkin eru sem sé 38. Þá eru engnir sjensar teknir, drengurinn getur verið kominn með sýkingu og brunað skal í bæinn í einum grænum.  Þegar við komum á bráðamótöku barnaspítalans í gærkveldi var Orri bara í fínum fíling. Hann hafði fengið hitalækkandi stíla áður en við lögðum af stað og sýndi því enginn lasleika einkenni þegar suður var komið. Hann brosti bara og gantaðist við Valtýr læknir sem gat lítið annað en klórað sér í nýklippta kollinum sínum. Eftir skoðun gat Valtýr læknir lítið annað sagt nema "maður á ekki að vera svona kátur þegar maður er að fara leggjast inn á spítala, Orri".  Niðurstaðan var sú að leggja hann inn á Barnadeildina á ný án frekari meðferðar og sjá til hvort hann rífi þetta ekki af sér sjálfur.

Við vonum að þetta sé eitthvað tilfallandi en ekki það að hann þoli ekki Skagan. Vonandi verðum við komin heim sem fyrst aftur. Það sem mestu máli skiptir er að Orra líður vel og foreldrunum í samræmi við það.

Takk fyrir allar kveðjurnar,    Ingþór.

Athugasemdir

[Helga Atlad. (IP-tala skráð) 2.11.2005 kl. 10:45]

Það ætlar að ganga í litlum skrefum að komast heim en það tekst! Gott að Orri er með gott skap og lætur ekki fara með sig að fara aftur á Sjúkrahúsið, sumir eru öðruvísi hvað það varðar. Gangi ykkur vel og Orri þú ert svakalega duglegur. Bestu kveðjur frá Þýskalandi.

[Unnur Hallgrímsdóttir (IP-tala skráð) 2.11.2005 kl. 11:56]

Já það er sko eins gott að Orri er skapgóður og foreldrar hans líka ;-) Erum á leiðinni til Köben í fyrramálið, förum á SÁLINA á laugardaginn "Höldum fast" (í hvort annað). Unnur

[Kidmo, Slauga, Gaby og ??? (IP-tala skráð) 2.11.2005 kl. 17:08]

Strákurinn vill flytjast í bæinn. His kind of town