Sondu skipti.

Ef ég er ekki að gera mistök, já, þá erum við ennþá heima hjá okkur. En litla hetjan ætlar að halda okkur við efnið. Um miðnættið á föstudagskvöldið fékk hann hita sem slegið var snögglega á með stílum og var honum svo sagt að fara að sofa. Gekk það vel eftir og ekki var lagt upp í ferðalag í það skiptið.  Drengurinn hafði svo allan laugardaginn til þess að finna sér leið til að láta flytja sig suður. Um kvöldið kom hann með þá snilldar hugmynd að rífa úr sér sonduna sem leiddi til þess að við fórum með hann suður á barnadeildina í dag til að fá nýja. Þetta átti að vera skot túr. Hviss bæng og heim aftur. En hvað, haldið þið ekki að hann hafi fengið einhvern fjandan í augað í sondu ísettningunni. Annað hvort var það einhver putti eða deifikrem sem notað er á sonduna þegar hún er sett niður. Þannig að við þurftum að dúsa dágóða stund eftir lækni en á meðan jafnaði sig Orri sig.

Þetta leit ekkert svakalega vel út þegar þetta var sem verst. Hægra augað bólnaði út og hann fékk roða langt upp á hausinn. Hann er nú með rótara blóð í æðum þannig að við verðumm ekki lengi að jafna okkur á þessu.  "Þessar kellingar" sagði hann bara eftir þessi ósköp og hugsar sig tvisvar um áður en hann rífur úr sér sonduna á nýjan leik.

Kveðja    Ingþór & Jóhanna.

Athugasemdir

[Matthildur, Vala og Óli (IP-tala skráð) 7.11.2005 kl. 00:37]

Hehe hann er hinn eini sanni skæruliði. Hann vill bara vera í bænum, hlustið á barnið, sparið bensín og tékkið á 107 Rvk;)

[Lilja Ólafsdóttir (IP-tala skráð) 7.11.2005 kl. 09:20]

Þetta styður mína kenningu ennfrekar!!!

Ble
Lella

[andrea (IP-tala skráð) 7.11.2005 kl. 21:19]

Þurfið þið ekki bara að fara að fá ykkur þyrlu í alla þessa rúnta á milli staða Akr. og Rvk. Vonandi fer drengurinn að átta sig á því að honum er ætlað að vera Skagamaður. Ef það gegnur jafn erfiðlega á næstunni mæli ég með því að þið farið að fá ykkur hljóðsnældur á bókasafninu og reyna að nýta keyrsluna í uppbyggilega hluti eins og hlustun á skáldsögur :)
Gangi ykkur sem allra best Bestu kveðjur,
Andrea og co