Fimmtudagur 3 nóvember

Jæja, enn erum við mæðginin á spítalanum. Orri fékk hita aftur í gærkveldi en náði að sofa hann úr sér án þess að nokkuð væri gert, svo þetta virðist ætla að verða daglegt brauð að hann fái hita, en aðal vandamálið þessa dagana er næringar ástand drengsins eftir að hann útskrifaðist af vökudeild fyrir viku hefur hann eiginlega ekkert viljað drekka (er bara að borða um 300 ml á sólarhring en á að vera um 1000 ml) og er gjörsamlega að gera út af við mömmu sína með þessum stælum, því eins og hann veit á hún ekki mikið til af þolinmæði við svona.  Svo að í dag var ákveðið að setja sondu í drenginn til að næra hann aðeins og svo í næstu viku eru þeir að hugsa um að gera gastrostomiu eða að gera gat beint inn i maga gegnum kviðinn, því að það er ekki gott fyrir hann að vera með nefsonduna lengi því það eykur svo slímið. Svo stendur til á eftir að bólusetja hann við sínum venjulegu 3 mánaða sprautum og einhverju meira og þá eru þeir búnir að gera allt sem hægt er til að verja hann fyrir pestum nema rs vírus sprautan en það gera þeir ekki fyrr en þeir vita að rs er komin til landsins. 

     

 Þannig að á morgun erum við að hugsa um að reyna einu sinni enn að fara heim en fara þá bara í leyfi.  Og það verður nú aldeilis fínt að komast í afmæliskaffi hjá móður minni  fá tertur og fínerí, allavega góð tilbreyting frá grilluðum samlokum sem ég er algjörlega að fá ógeð á.   En nú er Orri vaknaður svo ég þarf að þjóta.                             

 Bestu kveðjur til allra  

Jóhanna

Athugasemdir

[Ella og Kári (IP-tala skráð) 3.11.2005 kl. 21:16]

Áfram heldur baráttan. Pilturinn lætur hafa fyrir sér. Ætli hann vilji ekki bara líka tertur og fínerí, myndi kannski bara sætta sig við grillaðar samlokur:-)
Bestu kveðjur
kári og ella

[Magga & Hjálmur (IP-tala skráð) 3.11.2005 kl. 22:03]

Sæl þið, hann ætlar ekki að gera þetta of létt blessaður drengurinn, en það er samt greinilega kraftur í honum.
Sjáumst í hnallþórunum á morgun!!
Baráttukveðjur M+H

[Lilja Ólafsdóttir (IP-tala skráð) 3.11.2005 kl. 22:17]

Kannski sjáumst við á morgun (4.nóv) en þið verðið að virða útivistarreglur!!! Orri má ekki vera út eftir kl 20!!!!!!!!!!!

Ble
Lella

[Óli Vala og Magla (IP-tala skráð) 3.11.2005 kl. 22:54]

Þið fáið dugnaðar og þolinmæðisbikarinn 2005 fyrir ótrúlega seiglu. Er ekki Orri bara með svona sérkennilegann húmor?
Um leið og ástandið lagast þá bíður Popppunkturinn volgur eftir ykkur;)