Tjúllarinn

11.12.2005 | 21:28

Orri 4 mánaða

Hæ hæ. Allt mjög gott að frétta af þessum bæ. Orri er 4 mánaða í dag og er í fínu formi og búin að uppgötva að hann getur framkallað hin ýmsu hljóð og eru því miklar raddæfingar hér alla daga með tilheyrandi frussi og slefi. Og það besta sem hann veit að er að naga á sér hendurnar og minn er svo munnstór að allur hnefinn er yfirleitt upp í honum ( verst að það skuli ekki vera nein mjólk þar) Er hann svo spenntur fyrir höndunum á sér að mamma hans er alltaf að leita af tönnum en ekkert bólar á þeim ennþá, enda voru systur hans orðnar 6 mán þegar þær fengu sínar fyrstu tönslur.

Fjölskyldan við sjúkrahúsið í Lundi

Orri er búin að vera í mjög fínu formi frá því að við komum frá svíþjóð, er orðin svo duglegur að hósta bara, ef slímið er að þvælast fyrir honum og drykkjan er svona la la ,suma daga ætlar hann ekki að taka svo mikið sem einn sopa og aðra daga drekkur hann bara ágætlega . Svo ef hann væri ekki með stomiuna væri hér hungurverkfall suma daga. En þessu verðum við bara að venjast og vona að hann láti ekki svona þegar hann fer að borða mat . Við erum aðeins farinn að gefa honum graut og er hann ekkert yfir sig spenntur en lætur sig þó hafa það að smakka.

Af öðrum fjölskyldumeðlimum er allt fínt að frétta pabbinn er búin að vera óskaplega þreyttur af að vera búin að vinna sína fyrstu vinniviku í 4 mánuði Og stelpurnar bíða spenntar eftir stekkjastaur í nótt.